‘ஜெயிலர்’ டிக்கெட் விற்பனை மந்த நிலையில் உள்ளது…ரசிகர்களுக்கு அரிய வாய்ப்பு..!

நெல்சன் திலீப்குமார் இயக்கத்தில் நடிகர் ரஜினிகாந்த் ஜெயிலர் படத்தில் நடித்து முடித்துள்ளார். இப்படம் நாளை (ஆக.,10) தியேட்டரில் வெளியாகிறது. இந்நிலையில், இன்று (ஆக.,9) காலை நடிகர் ரஜினிகாந்த் இமயமலை புறப்பட்டுச் சென்றார். அப்போது செய்தியாளர்களிடம் பேசிய ரஜினிகாந்த், ”4 ஆண்டுகளுக்கு பிறகு இமயமலை செல்கிறேன். ‘ஜெயிலர்’ படம் எப்படி இருக்கிறது என்பதை நீங்கள் பார்த்துவிட்டு சொல்லுங்கள்” எனத் தெரிவித்தார். ரஜினி ஒவ்வொரு படத்திற்கு பிறகும் இமயமலை செல்வார் தற்போது 4 ஆண்டுகள் கழித்து செல்கிறார். ‘ஜெயிலர்’ திரைப்படம் வெற்றி பெற வேண்டியே இந்த பயணம் என்று இணையத்தில் இந்த பயணம் குறித்து பேசப்பட்டு வருகிறது. ரசிகர்களை நம்பி ரஜினி இமயமலை செல்கிறார். ரஜினியை நம்பி ரசிகர்கள் திரையரங்குக்கு செல்கிறார்கள் இவர்களின் நம்பிக்கை கைக்கொடுக்குமா ? என்று நெல்சனின் முத்துவேல் பாண்டியனிடம் நாளை தெரிந்துக் கொள்ளலாம்.